شبِ من

درس دین آلمیش
بیری نئشه ییری کفلی خمار دی مابقی گورسن
اینان اون بش کیلو تریک چیخار هر دسته شاخسی دن
ثریا خان باجی چیخمیش قیزین گتمیش تماشایه
گلن باخسین گدن سورتسون بیر ار چیخسین زلخیایه
بیری قیزبازلیقا گلمیش بیری ار سیز گالیب چیخمیش
بیری قارنی شیشیب بس کی اولونجاخ احسانی تیخمیش
نیام ایستیر بو شمشیر لر حسینین اسمی تلبیس دن
غلافا شمشیر آخدارمیش بیری نیت بو مجلسدن
نماز سیز دین سیز ایمان سیز گلیپ خلقین یولون کسسین
ثواب ایستیر ده الله دان بیر آنگیرماغینا اون مین
یزید تک یول کسیب چالمیش جهالت طبلی شهوتدن
دئیر مظلوم حسین اما آلیپدی سهمی قدرتدن
شومورلر دسته ده شاخسی یزید دسته باشی واخسی
هانی قرآن احمد ده بو آزارلار آدی شاخسی
دئیر بیر نوحه خوان هردم علی نین خلوتیندن راز
که زهرا و علی تکدی یوخیدی آیری بیر آواز
جماعت ده ویریر فرقه سوروشمور کی سن هاردیدین
به سن هاردان اشیتمیشدین گده دیوث اتاق دیدین؟
دییر بیر نوحه ده بویله حسینی هچ گورن یوخدی
آلیپ نعش علی اصغر قوجاغه تردیدی چوخدی
نه جور من خیمیه گتسم آنایه نعشی من ورسم
نه جور تاب ایله سین قلبی ربابی من اگر گورسم
دیین یوخدی بو ملتدن کی سن هاردان بونی گوردون
حسینین تک قالان وقتی مگر سن شمر اوردیدون؟
ددی زینب کی عاشورا گوزل لیق دان سورا یوخدی
بوزینب هاردا سن هاردا سنین تک کعب لر چوخدی
اوز عمه نن مثال توتدون یاراشماز بنت زهرایه
نقیل قوشدون اوز عمه ن دن یاپیشماز شان کبرایه
حسینین اسمی والا دی سنین آغزیندا بیگانه
سنین رزقین بو یولداندی پولون آغشته او قانه
شومور آخدارسان آیینه یزید آخدارسان آیینه
یزید شرم ایلیر سن دن بله بیر دین و آیینه
حسینین گر یولون گتسن یزید بللی شومور بللی
یزید بایراقی آلتیدنا حسین ده سای بو یوز اللی
حسینین شانی والا دی شه ملک تولا دی
علی اولادی دریا دی امین زمر زهرا دی
آچیخ ال لی سلحشور دی الاه عالمه واثق
گولوپ پروانه تک شمعه الوپ نور حقه عاشق
گلیپ مردانه میدانه گولوپدور شمشیره قانه
ادیپ قربان نیی وارسا وریپ جانین او جانانه
محرم91